Kosova nuk ka të ndalur. Përfaqësuesja dardane ka siguruar një tjetër futbollist.

Bëhet fjalë për talentin e formuar në akademinë e Bajernit të Mynihut, Meritan Shabani. 20-vjeçari u transferua në merkaton e verës te skuadra e Wolves në Premier Ligën angleze, teksa pret rastin për të debutuar.

Mediat kosovare raportojnë se Shabani i ka dhënë fund çdo dileme teksa do të përfaqësojë Kosovën.

Kujtojmë që për 20-vjeçarin pati një interesim edhe nga Kombëtarja shqiptare, por ishte vetë mesfushori ai që zgjodhi të përfaqësonte dardanët.