Koordinatorja e Partisë Socialiste për Tiranën, Elisa Spiropali tha sot se vazhdon puna për procesin e riorganizimit të strukturave të PS-së.

Koordinatorja Elisa Spiropali dhe deputeti i PS-së Ervin Bushati kanë zhvilluar një takim me 24 kryetarët e Këshillave Socialiste në 24 njësitë e Tiranës.

Spiropali shprehet se “vazhdojmë me hapin e Riorganizimit të strukturave të PS-së. Sot me Ervinin dhe 24 kryetarët e Këshillave Socialiste në 24 njësitë e Tiranës”.

“Mbas zgjedhjeve fantastike, ku mbi 80% e anëtarësisë u angazhuan në mënyrë aktive në forcimin e demokracisë në familjen tonë progresiste, vazhdojmë procesin e rigjenerimit të strukturës organizative dhe digjitale në çdo qelizë të PS-së në Tiranë”, tha ajo.