Ushtria venezuelase u shpreh sot në gatishmëri përballë çdo shkelje të kufijëve të vendit dhe ritheksoi besnikëri të palëkundur ndaj presidentit Nicolas Maduro, pas kërcënimeve të presidentit amerikan, Donald Trump.

“Ushtria do të qëndrojë në gatishmëri përgjatë kufijëve (…) për të evituar çdo shkelje të integritetit territorial”, deklaroi ministri i Mbrojtjes, Vladimir Padrino.

Ai ritheksoi gjithashtu “bindje, nënshtrim dhe besnikëri, të palëkundur të komandës së lartë ushtarake ndaj shefit të shtetit”.

Të hënën, Donald Trump kishte deklaruar se “krerët ushtarakë do të shkojnë drejt dështimit të tyre nëse refuzojnë t’i bashkohen opozitarit dhe presidentit të vetëshpallur Juan Guaido”.