Aktori i humorit Olsi Bylyku ka pranuar hapur lidhjen e dashurisë me regjisoren, Eglitën. I ftuar në emisionin “Rreze Dielli”, Bylyku tregoi edhe për planet që ka për t’u martuar me të.

Me sytë që i shkëlqenin, Olsi u shpreh se është i pandashëm me të si gjatë punës ashtu edhe pjesën tjetër të ditës. Madje shtoi fjalët: Egi është dashuria e jetës time!

“Pas Këngës Magjike, klipet që do bëj do jenë me regji të Egit. Ajo ka talent edhe për tekste. Absolutisht është dashuria e jetës sime përderisa po flas për të. Martesa? Nuk dua të nxitohem, është diçka që do vjerë ngadalë,”– tha aktori i humorit ndër të tjera.

Olsi dhe Egi janë prej kohësh në një lidhje sentimentale. Dyshja shfaqen bashkë gjatë gjithë kohës edhe në rrjetet sociale.