SPANJE- Një natë më parë në Sevilje të Spanjës u mbajt ceremonia e ndarjes së çmimeve, “MTV EMA”, ku morën pjesë artistë nga e gjithë bota, mes tyre edhe shqiptarë.

Yjet shqiptare si Dua Lipa, Loredana, Ilira Gashi dhe Ava Max shkëlqyen ne skenën e MTV me perfomancën e tyre duke rrëmbyer edhe disa çmime.

Dua Lipa ishte artistja që rrëmbeu vëmendjen e të gjithëve me performancën e saj ndërsa hapi mbrëmjen me këngën e saj më të fundit ‘Don’t start now’. Ava Max arriti të rrëmbejë trofeun e “Best Push”, ndërsa solli në skenë dy këngët e saj “Torn” dhe “Sweet but Psycho”. Ndërsa Loredana u shpall fituese për çmimin “Best Swiss Act”, për të cilin ishte pretedente edhe këngëtarja tjetër me origjinë shqiptare Ilira Gashi.

Performanca e Dua Lipes
Ndërsa kandidate për çmim në këtë kompeticion ishte edhe Bebe Rexha. Kënga e saj “Call You Mine” në bashkëpunim me The Chainsmokers nuk arriti të fitojë këtë çmim pasi u mund nga Rosalia, J Balvin dhe El Guincho me hitin “Con Altura”.