Kryeministri Edi, Rama gjatë takimit me strukturat e integrimit europian deklaroi se Shqipëria ka bërë punë dhe reforma përpara çeljes së negociatave, më shumë se çdo vend tjetër në të njëjtën fazë.

Rama deklaroi se u surprizua shumë nga ndihma e jashtëzakonshme e fqinjëvë të Shqipërisë.

“Morëm një ndihmë të jashtëzakonshme nga Greqia dhe Italia. Jam surprizuar për mirë nga fqinjët tanë. Kemi kapërcyer një moment delikat. Të gjithë kanë punuar shumë për negociatat. Shqipëria ka bërë përpara çeljes së negociatave më shumë se çdonjë tjetër në të njëjtën fazë. Dy orë përpara marrjes vendimtare nuk kishim tekst”, tha kryeministri

Rama pranoi se ka një ndryshim mes çeljes së negociatave në këto momente dhe çeljes së negociatave në 12 muaj

“Normal se ka një ndryshim mes çeljes së negociatave në këto momente dhe çeljes së negociatave në 12 muaj. Por edhe nëse çelja e negociatave do ishte immediate, do na duhej një kohë e caktuar nga 6-12 muaj. Çelja e negociatave është përcaktuar pas 12 muajsh, por komisioni do të nisë menjëherë punën përgatitore”, tha Rama

Kryeminisitri u angazhua në thellimin e reformave. Ai shtoi se rrezikoi koalicionin për shkak të vendosmërisë për reformën në drejtësi

Rama tha se Europa nuk ka vënë asnjë kusht për negociatat

Javanews