Për ata që besojnë në shkencën e numerologjisë dhe ndikimin që ka në jetën tonë, përsëritja e numrave në fushën e orës elektronike apo në ekranin e celularit nuk është një rastësi (11:11, 22:22, 00:00). Numerologjia i referohet idesë që numrat mbartin energji dhe kjo e fundit ka aftësinë unike për të ndikuar në jetën tonë.

Duke kuptuar energjinë e lidhur me secilin numër individual, atëherë mund të flasim për rëndësinë që këto shifra kanë në jetën tonë. Shembujt përfshijnë datat specifike (si data juaj e lindjes ose përvjetori) ose adresa (ato mund të ndikojnë në energji në një hapësirë të caktuar). Për më tepër, mund të vëreni se një numër i caktuar shfaqet vazhdimisht në fusha të ndryshme të jetës suaj, duke treguar se po përpiqet të të dërgojë një mesazh.

Ndërsa çdo numër ka aftësinë për të ndikuar në jetën tonë, një grup specifik numrash, të njohura si numrat master, shihen si më të fuqishmit . Numerologët thonë se “Master Numbers” janë vetëm 3 : 11, 22 dhe 33, ndërsa të tjerë besojnë se këtu përfshihet çdo numër me dy shifra identike.
Numri Master 11 është i lidhur me ndriçimin shpirtëror, vetë-zbulimin dhe kreativitetin. Është një energji që na ndihmon të njohim edhe skutat më të errëta të vetes duke na ndriçuar në rrugën tonë. Është koha ideale për shfaqjen e vërtetë të qëllimeve dhe ëndrrave tona më të çmendura.