Cristiano Ronaldo është në kërkim të një gruaje që dikur punonte në McDonald’s dhe i jepte hamburger falas vogëlushit që disa vite më vonë do të bëhet futbollisti më i mirë në botë.

Ai tha se kur stërviteshin me Sporting Lisbon, ata shkonin te një dyqan McDonalds ngjitur dhe kërkonin për të ngrënë.

Një grua e quajtur Edna dhe dy vajza të tjera nuk e refuzonin. Ronaldo tha se po t’i gjente, do të kishte dëshirë të darkonte me to në Lisbonë.

Një nga gratë është identifikuar, pas intervistës. Ajo quhet Paula Leka dhe është nënë e dy fëmijëve. Ajo kishte punuar në dyqanin ngjitur me stadiumin në atë kohë dhe thotë se Ronaldo, bashkë me fëmijë të tjerë, vinin shpesh pasi luanin.