Prestigjiozja “Forbes” i ka kushtuar një artikull ish deputetes shqiptare Rudina Seseri e cila është themeluese dhe manaxhere e “Glasswing Ventures” një kompani që po ndihmon në ndërtimin e gjeneratës tjetër të kompanive teknologjike të inteligjencës artificiale.

Vec investimit, kompania ku shqiptarja Seseri është themeluese e manaxhere, ndihmon me drejtim strategjik dhe strategji rritje, ndërtim bordesh dhe ekipesh drejtuese, partnership strategjik etj.

Në artikull evidentohet se si sipërmarrëse ajo po investon në start-up prej më shumë se një dekade.

Seseri tregon gjatë intervistës së është diplomuar në “Wellesley College” dhe ka punuar për tre vite si analiste investimesh bankare në “Credit Suisse” në grupin e teknologjisë.

“Ishte atje që kuptova se industria e teknologjisë ishte ajo ku unë doja të isha.

Gjatë kësaj kohe po studioja në Harvard Business School (HBS) dhe u takova me Rick Grinnell që më vonë u bë bahkëthemelues me mua i “Glasswing Ventures”.

Në fakt ishte ai që më rekrutoi nga roli im nga Microsoft për të punuar si sipërmarrëse. Kemi pasur një sipërmarrje të qëndrueshme në kohë e të sukseshme në aspektin e partneshipit.

10 vitë më vonë kulminoi me formimin e “Glasswing Ventures” një sipërmarrje në hapat e parë që i dedikohet ndrëtimit të gjeneratës tjetër të kompanive teknologjike të inteligjencës artificiale” thotë ndër të tjera Seseri.

Por si e zgjedh ajo se në cilat sipërmarrje të reja apo se ku duhet të investojë?

“Ka një listë të gjatë celësash dinamikë dhe karakteristikash që ne kërkojmë.

Më lejo të evidentoj dy karakteristika dalluese që ne kërkojmë në cdo kompani ku ne investojmë: transformimin e rolit që këto kompani kërkojnë të luajnë në industritë respektive (ose në industrinë që po krijojnë) dhe aftësinë e jashtëzakonshme të ekzekutimit përmes formimit e manaxhimit të ekipeve.

Kur vijmë te themeluesit, ne kërkojmë për ata individë që ndërtojnë kompani e jo vetëm produkte dhe që janë të aftë që të rriten ndërsa biznesi i tyre rritet” shprehet Seseri.

Seseri u zgjodh deputete në Durrës në zgjedhjet e vitit 2009, por dha dorëheqjen nga mandati në vitin 2011 për t’iu përkushtuar angazhimeve të tjera profesionale.(SCAN)

Intervista e plotë