Kryetari i Kuvendit të Shqipërisë Gramoz Ruçi, me rastin e 9 Majit, Ditës së Europës, u shpreh se kjo është një ditë e vlerave më të mira europiane, si liria dhe zhvillimi.

“Shqipëria i ka rrënjët në qytetërimin evropian dhe destinacioni ynë i natyrshëm është Europa e vlerave”,- thuhet në mesazhin e Kryetarit të Kuvendit.

Ai e konsideroi Shqipërinë si vlerë të shtuar të Bashkimit Evropian dhe lidhur me çështjen e integrimit dhe negociatave, Kryetari i Kuvendit gjykon që “detyrat e shtëpisë” nga Shqipëria janë realizuar.