Kancelarja gjermane, Angela Merkel edhe sot foli në favor të perspektivës së anëtarësimit në BE për Shqipërinë dhe Maqedoninë e Veriut.

Merkel i tha Bundestagut se Gjermania ishte veçanërisht pranë shteteve të Ballkanit Perëndimor dhe dëshironte t’i integronte ato në BE.

”Kishte përpjekje për të siguruar anëtarët e BE-së që ende kishin rezerva për këtë kurs”, tha ajo.

”Këto shtete duan ta bëjnë procesin e pranimit më transparent”, theksoi ajo.

Dje, në një takim me presidentin francez, Emmanuel Macron në Tuluzë, kancelarja kishte sinjalizuar mbështetjen e saj për dëshirën e tij për të reformuar procesin e pranimit.