Shkeljet e Ilir Metës tanimë janë bërë mullar, duke nisur që nga mos-dekretimi i ministrave të propozuar nga kryeministri Edi Rama, deri tek ç’dekretimi i datës së zgjedhjeve të 30 qershorit.

Nëse e marrim të mirëqenë se Ilir Meta ka të drejtë dhe ia lejon Kushtetuta që të anullojë zgjedhjet vetë, pa u konsultuar me askënd, a nuk po e shkel presidenti Kushtetutën, duke ftuat për të caktuar datën e re të zgjedhjeve, parti joparlamentare?

Sepse ndoshta presidenti nuk e ka marrë vesh ende, por nga PD, tek partia e drejtuar nga e shoqja, tashmë kanë dalë jashtë sistemit dhe nuk janë më në Parlament.

Dhe për të caktuar datën e re të zgjedhjeve, ai duhet t’iu drejtohet partive parlamentare dhe grupeve parlamentare të tyre.

Por, në morinë e shkeljeve skandaloze të Metës, kjo duket si shkelja më e vogël.

Madje, këtë përpjekjen e tij për të caktuar një tjetër datë zgjedhjesh, vetëm Nard Ndoka me “4 të mrekullueshmit” e kanë marrë seriozisht.