Pas protestës së opozitës, e cila zgjati për afro katër orë, Policia e Shtetit ka shoqëruar 23 protestues, të cilët dyshohet se gjatë protestës kanë hedhur mjete piroteknike në drejtim të tyre.

Gazetarja e “BalkanWeb”, Dorjana Bezat raporton se të shoqëruarit ndodhen aktualisht në drejtorinë e Policisë së Tiranës dhe në disa komisariate.

Nga ana tjetër, vijojnë verifikimet e të shoqëruarve nga strukturat policore, ndërsa një pjesë e qytetarëve kanë filluar të mblidhen para ambienteve të Policisë së Tiranës duke kundërshtuar veprimet e uniformave blu.