Nga Anri Bala

Sot, mos u lodhni më kot të lexoni informacione që kanë interes dhe impakt për qytetarët! Sot e çdo ditë, mediat e “blera” nga Rama, mbushin faqe me mllef e shpifje deri në çmenduri… për të “rrëzuar” Ramën! Në fakt këto nuk e rrëzojnë atë aspak, e megjithatë mundohen aq fort që ta glorifikojnë, padashje nga padija, duke i dhënë atë që meriton… “urrejtjen e të poshtërve”.

Duke krijuar brigada qesharake të një ushtrie të çorientuar, që nuk e di se ku shkon dhe kë po lufton, ata nuk heshtin, sepse kanë kohë për t’i vënë gurë nën rrota demokracisë, duke konsumuar gjithë plaçkën e grabitur të shqiptarëve, të cilëve sot u qajnë hallin, se do t’i shpëtojnë nga hajdutëria… e hajdutit Rama. Hajduti i tyre është hajdut, sepse nuk po sillet si hajdut përballë… grabitësve!

Ndërsa grabitësat tashmë nuk kanë rrugë tjetër, veçse pengimit të drejtësisë së munguar, që po vjen megjithëse çalë çalë. Por e keqja e këtij vendi nuk janë vetëm Lularët e Monarët, të shkulur me dhunë nga karrigia e pushtetit të ndyrë dhe kriminal, por tufa e berihajt, që si bashkëpuntorë pervers, trillojnë çdo ditë dhe luten për ditë më të zeza… për Shqipërinë.

Perversiteti i tyre arrin deri aty, sa kanë harruar se kush janë dhe i ka kapur tmerri duke i transformuar në “trima të lehjes”, që nuk sjellë asgjë vetëm bezdi e sekëlldisje. Do të ishte mirë të ishin katërkëmbësh… por ruaje o Zot kafshën besnike, që të mos marrë veset e tyre, përveç lehjes, që është mundësia e vetme për tu shprehur. Por “hamgazetarët” tanë, ky mutacion i pjellave mediatike shqiptare, janë disa katërduarsh të mjerë, që vetëm lehin duke u ankuar, se përse nuk i blenë njeri hamet e tyre me të lirë apo me të shtrenjtë.

Mos u habisni! Çdo ditë deklarojnë, se Rama i ka blerë të gjitha mediat dhe media e vetme që tregojnë, është “ER TV”, një platformë video brenda rrjetit social Facebook, që mund ta hap gjithkush, me pak ose shumë para. Ndërsa të blerët mbushin studiot dhe ekranet, faqet online dhe print të gazetave me gjithëfarë lajmesh qesharake dhe tronditëse, me fytyra komikësh të inatosur dhe të çartallosur, që luftojnë me “pronarin” e tyre… Edi Rama.

Shajnë, ulërasin, hungërijnë dhe klithin si derra të nginjur, të zhgërryer në baltovinën e tyre, që çuditërisht quhet studio, portal, gazetë, media, emision… e në fakt nëse vërtet studiot janë si këto të tyret, gici dhe dosa do ishin bërë xheloz me atë batak me pesë yje, që nuk lejohen të akomodohen veçse derra VIP-a, të racës së shquar “hamgazetarë”. “Hamgezetarët” janë shtuar dhe shumuar në menyrë progresive, falë teknologjisë dhe rrjeteve sociale, por ndjehesh keq kur edhe derri që nuk i ka ikur akoma era, megjithëse ka ndërruar 40 lëkurë, i duket bota e tij, vetëm se është ushqyer mirë nga pronarët… Monarë-Lularët.

Tani që tasi po shteron e burimit i kanë vënë roje, piskama e tyre shkon në kupë të qiellit, duke mos ndaluar deri në vetflijm, për tu bërë si padronët dëshmor, që do shpëtojnë kombin, e pse jo, vetflijues si Alende… për të shpëtuar Shqipërinë. Do na gëzonin shumë po ta bënin pronarët e jo “hamgazetarët”, që nuk e kanë atë guxim, ndaj lehin me shpresë, se lehja e tyre diku do të dëgjohet dhe ato do paguhen për vuajtjet, shitjen e moralit dhe shumë herë edhe të trupit… “xhaba”.

Ndaj shumë prej tyre, për thirrjet për luftë civile, revoltë, revolucion mes shqiptarësh, për karriget e ish-pushtave të pushtetit, nuk duhet tu merren seriozisht, sepse çfarë mund të kuptosh nga një derr që leh si qen… i racës “hamgazetarë”?!/Ekskluzive.al