Nga Anri Bala

Në prag të vendimit të rëndësishëm për të gjithë shqiptarët, hapja e negociatave me Shqipërinë, një lajm shumë i trishtë u përhap me shpejtësi në mediat shqiptare, se anal-isti Fatos Lubonja, ka publikuar një opinion të tijin, tek gazeta e njohur austriake “Der Standard”, ku ka baltosur edhe njëherë vendin, si sivllezërit e tij antishqiptarë, se nuk duhet t’i hapen negociatat Shqipërisë, pasi jemi një narkoshtet dhe udhëhiqemi nga oligarkët dhe krimi i organizuar.

Lajmi bëri jehonë në vendin tonë, jo sepse ishte një artikull jashtë kufijve të realitetit, por sepse edhe njëherë, segmentë antikombëtarë, patologjikisht të sëmurë rëndë për të hedhur vrerë mbi vendin e tyre, ja dolën mirë të kënaqin “epshet” e miliarderëve të narkoshtetit të “Lazaratit”, që ende sot, mbajnë të fshehura dhe të ruajtura nëpër “kofine”, të “vjelat e lulëzimit të madh” të drogës, brenda magazinës së SHQUP-it!’

Ky grykës i poshtërsive, me “denoncimin” e tij, që vetëm opinion nuk quhet, pretendon se po i bënë një nder të madh vendit, duke folur përçartë dhe pa asnjë bazë… e meqënëse vetë fluturon me “pras”… gjithë ditën, kërkon që të hedh në “erë” dhe Shqipërinë bashkë me shqiptarët!

Në opinionin e tij, në kufijtë e marrëzisë, fluturaku i trullosur shkruan, se në kushtet që ndodhet Shqipëria, hapja e negociatave, do t’i shkaktonte dëme të mëdha vendit dhe vendasve! Që Shqipëria është narkoshtet, këtë e deklaron dhe e “vulos” vetëm Tosi dhe çeta e tij e anal-istëve, por që Shqipëria “është një shtet i dështuar, i qeverisur nga krimi i organizuar dhe oligarkët, prandaj etiketohet si narko-shtet”, këto etikime dalin vetëm nga zyra e komandantit të çetës së Shtëpisë së Zezë rrëzë Lanës.

Meqë ky palaço na bëri të qeshim me defiçencën e tij mendore dhe të qajmë me urrejtjen patologjike, që ka ndaj vendi të tij… një pyetje kam për shqiptarët: A është i marrë ky njeri?! Nëse po, përse lëviz si hije e zezë përpara rrugës së integrimit dhe nuk dërgohet atje ku e ka vendin… në çmendi, që të shpëtoi edhe ai dhe shqiptarët nga soj i tij?!