Kuvendi i Kosovës do të mblidhet sot në një seancë të jashtëzakonshme në ora 10:00, ku pikë e vetme e rendit të ditës është diskutimi për vendimet e Qeverisë së Kosovës për ndarjen e mjeteve financiare të parashikuara sipas shpenzimeve.

“Debat parlamentar lidhur me vendimet e Qeverisë së Kosovës për ndarjen e mjeteve financiare nga shpenzimet e paparashikuara”, thuhet në njoftimin e Kuvendit.

Seanca në fjalë ishte parashikuar të mbahej javën e shkuar, por u caktua për ditën e sotme për shkak të Epopesë së Ushtrisë Çlirimtare të Kosovës.