Ronaldo, i njohur edhe si ‘Fenomeni’ për paraqitjet e tij në fushë, ka qenë nga të pakët persona me famë, që menjëherë pas luftës e kishte vizituar Kosovën.

Sot 21 vite më parë, ai e kishte fituar trofeun e vetëm me Interin (Kupën UEFA), dhe ndërkohë që ishte lojtar i gjigantit italian ai kishte zbarkuar në Kosovë.

Ishte qershor i vitit 1999 kur Kosova e fitoi lirinë pas një lufte të përgjakur nga e cila kishin mbetur të vrarë mbi 13 mijë njerëz, mijëra tjerë të zhdukur, shumë shtëpi të djegura e mbi 1 milion shqiptar të dëbuar.

 

Foto: Alban Bujari/Shutterstock

Pikërisht në atë kohë, futbollisti më i mirë në botë, Luis Nazario Da Lima Ronaldo, kishte vizituar një ndër qytetet më të prekura të luftës, Gjakovën, si pjesë e Caritasit italian.

 

Ronaldo ishte futbollisti më i mirë në botë në atë kohë ku edhe në Kosovën e djegur kishte shumë tifozë të lojës së tij.

Shpirtin humanitar Ronaldo e shfaq edhe pas përfundimit të karrierës së tij, por në atë kohë, rrëfimi për praninë e tij në Gjakovë mbeti për shumë kohë si një mit.

 

Ai gëzoi shumë fëmijë dhe qytetar të këtij qyteti që kishte mbetur i shkatërruar dhe me plot plagë nga lufta.

Foto: Alban Bujari/Shutterstock

Ai ishte takuar me Bernard Kouchnerin, që ishte administrator i UNIMIK-ut në atë kohë.

 

Foto: Alban Bujari/Shutterstock

Po ashtu ai takoi edhe ushtarë italianë që ishin të vendosur në Gjakovë e Pejë.