Ilir Meta ka sulmuar disa herë ndërkombëtarët dhe Ramën për mungesën e Gjykatës Kushtetuese, duke deklaruar se ajo nuk është ngritur për shkak të presioneve të mazhorancës ndaj Këshillit të Emërimeve në Drejtësi dhe tërheqjes së ekspertëve të Euralius dhe OPDAT.

Por, le të shohim një verifikim të informacioneve që serviren nga presidenti i Republikës, Ilir Meta.

Le t’i marrim me radhë! Kreu i shtetit deklaroi se sipas Kushtetutës, Gjykata Kushtetuese përbëhet nga 9 anëtarë që përzgjidhen nga kandidatët e verifikuar nga Këshilli i Emërimeve në Drejtësi (KED) dhe të renditur në tri vendet e para të listës nga ky organ sipas ligjit.

Pasi Këshilli Emërimeve në Drejtësi (KED), bën vlerësimin, renditjen dhe listimin e kandidatëve, anëtarët e Gjykatës Kushtetuese, zgjidhen apo emërohen nga lista e hartuar nga KED, ku:

– tre anëtarë emërohen nga Presidenti i Republikës;

– tre anëtarë zgjidhen nga Kuvendi, dhe

– tre anëtarë zgjidhen nga Gjykata e Lartë.

Por, Ilir Meta tha se KED është bllokuar si në vitin 2017, ashtu edhe në vitin 2018 nga mazhoranca me presion që të mos bëjë verifikimin e kandidatëve për të plotësuar vendet bosh në Gjykatën Kushtetuese.

Nga verifikimi, rezulton se mazhoranca ka ngritur në atë kohë pretendimin se para se të ushtrojnë detyrat e veta, anëtarët e KED duhet të kalojnë vettingun.

Pra, para se të verifikojnë kandidatët për Gjykatë Kushtetuese, duhet të jenë vetë të pastër.

Për këtë arsye, kemi verifikuar nëse anëtarët e KED të vitit 2017 dhe të vitit 2018, a kanë kaluar vettingun, duke qenë se ky organ zgjidhet një herë në vit.

Sa i përket Këshillit të Emërimeve në Drejtësi për vitin 2017, rezulton se me short në janar të atij viti janë zgjedhur 12 veta, nga të cilët rezulton se sot vetëm 4 prej tyre janë në sistemin e drejtësisë, pasi tetë të tjerë ose janë shkarkuar, ose kanë dhënë dorëheqjen para se të japin llogari në vetting. Konkretisht si më poshtë:

KED 2017 Besnik Imeraj, dha dorëheqjen para vettingut, dosja e tij e referuar në prokurori Vladimir Kristo, dha dorëheqjen para vettingut Altina Xhoxhaj, anëtar zëvendësues, e shkarkuar Mirela Fana, dha dorëheqjen para vettingut (Artan Zeneli, anëtar zëvendësues), i shkarkuar Rovena Gashi, e shkarkuar Gentian Trenova, i shkarkuar Fatjona Memçaj (zëvendësuese), e konfirmuar në detyrë Brikena Ukperaj Lubonja, e konfirmuar në detyrë Ervin Metalla, i shkarkuar Kastriot Selita, i konfirmuar në detyrë Gentian Medja, i konfirmuar në detyrë, por është ankuar OMN

Po ashtu, situata rezulton e tillë edhe për KED në vitin 2018, ku sipas verifikimet të realstory.al rezulton se nga 11 anëtarët e zgjedhur, 8 prej tyre janë shkarkuar nga detyra dhe nuk janë më pjesë e sistemit të drejtësisë.

KED 2018 ARTAN BROCI, i shkarkuar ALTINA XHOXHA, e shkarkuar ROVENA GASHI, e shkarkuar GENTJAN TRENOVA, i shkarkuar FAJTONA MEMÇAJ, e konfirmuarENTON DHIMITRI, i konfirmuar FATOS QATO, i shkarkuar AHMET JANGULLI, i shkarkuar VITORE TUSHA (anëtar zëvendësues), e konfirmuar SHKËLZEN SELIMI (anëtar zëvendësues), i shkarkuar SOTIRAQ LUBONJA (anëtar zëvendësues), i shkarkuar

Pra, në të dy rastet e anëtarëve të Këshillit të Emërimeve në Drejtësi rezulton se shumica e tyre janë shkarkuar nga vettingu, duke i dhënë të drejtë mazhorancës se para se ata të verifikonin kandidatët për anëtarë të Gjykatës Kushtetuese, duhet të verifikoheshin për vete.

Por, kreu i shtetit, Ilir Meta, ka qenë i vendosur të ngrejë një Gjykatë Kushtetuese me anëtarë që do të verifikoheshin nga njerëz që sot janë nxjerrë jashtë sistemit të drejtësisë, duke i dhënë kështu një goditje të fortë reformës në drejtësi. Një goditje që për fat, nuk ndodhi.(Real Story)