Mbrëmjen e kaluar në emisionin e Arbana Osmanit ishte e ftuar Xhensila Myrtezaj. Ajo foli për projektet e saj të fundit, si dhe bashkëpunimin me regjisorin e këtij emisioni, Eduart Grishaj. Xhensila u shpreh se ishte e lumtur nga ky bashkëpunim ndërsa Arbana Osmani nuk mund të mos thonte fjalë të mira dhe u shpreh: ‘’Jemi me fat që e kemi tonin’’.

Prej disa ditësh tashmë përflitet se Arbana dhe Eduarti janë në një lidhje të mundshme edhe pse nuk e kanë pranuar publikisht. Por siç duket moderatorja shumë e dashur për publikun, përveç se shpesh herë shkëmben komente me të në Instagram, këtë të dielë e ka kaluar në shoqërinë e tij.

Ajo ka publikuar disa foto në instastory ku shfaqet në shoqërinë e Eduartit dhe disa personave të tjerë duke luajtur tenis.

Edhe Eduarti u ka treguar ndjekësve të tij që e ka mundur Arbanën.