Nga Flogert Muça/

Në një intervistë dhënë Çim Pekës, Ilir Meta tha se do të ndiqte preçedentin italian për dekretimin e Gjeneral Sandër Lleshajt si Minister i Brendshëm.

Por një krahasim i thjeshtë i Kushtetutës italiane me atë shqiptare e nxjerr jashtë loje Ilir Metën.

Pasi në ligjin themeltar të shtetit italian, Presidenti i Republikës nuk ka asnjë afat kohor për dekretimin e ministrave. Kështu, Presidenti në Itali vërtetë nuk ka mundësi të kthejë mbrapsht dekretin, por ama ai mund ta mbajë pezull pa asnjë limit kohor.

Në Kushtetutën shqiptare jo vetëm që Presidenti nuk ka tagrin ligjor për të mos dekretuar një ministër, por atij ligji themeltar i imponon dhe një afat kohor prej 7 ditësh për ta dekretuar ministrin.

Kësisoj, Ilir Meta është sot shkelësi më i madh i Kushtetutës së Republikës dhe shkelja e tij nuk ka asnjë lidhje me rastin italian, ku Presidenti Matarela nuk ktheu mbrapsht asnjë dekret, por thjesht negocioi me Kryeministrin për të mos patur në kabinet një ministër që ishte shprehur hapur kundër kushtetutës italiane.

Ndaj sot, Ilir Meta nuk ma mbush as mua më mendjen për President. Ndoshta se është dobësuar shumë. Ndoshta se është thjesht burri i Monikës./Lexo.al

Lër një koment

Please enter your comment!
Please enter your name here