Këshilli i Emërimeve në Drejtësi nuk kualifikon 12 nga 49 kandidatët në garë për gjyqtarë Kushtetues dhe kryeinspektorin e lartë të Drejtësisë. ReportTv ka mësuar se këta kandidatë nuk plotësojnë kriteret kanë probleme me anën profesionale dhe pastërtinë e figurës.

Në mbledhjen e kësaj të mërkure pritet që KED të kaloj në votim skualifikimin e 12 kandidatëve e më pas të bëjë publik emrat e tyre. Me përzgjedhjen e kandidatëve që plotësojnë kriteret pritet më pas të përzgjidhen gjyqtarët Kushtetues e kreu i ILD që do të zgjidh ngërçin e funksionimit të institucioneve të drejtësisë.