Bes Kallaku e quan veten “mami i Xhensilës” dhe s’ka faj! Aktori i njohur i humorit tha sot në programin “BE Caffee”, se e ndjek ngado Xhensilën dhe kujdeset për të si të ishte nëna e saj: “Unë jam si mami i Xhensilës. Kur ka projekte i rri mbrapa si me qenë mami i saj”. Aktori i qëndron nga mbrapa dhe e ndihmon bashkëshorten e tij në çdo projekt të ri muzikor.

Herën e fundit që Xhensila kishte shkuar në Venecia për të xhiruar klipin e ri “Sekreti im”, Bes Kallaku ishte me të. Madje në një video të publikuar gjatë programit, ai shfaqej duke mbajtur këmbët e regjisorit Eduart Grishaj i cili po filmonte i ulur në një dritare dhe rrezikonte të rrëzohej poshtë.