Pak çaste më parë ish-kryeministri Sali Berisha, ashtu sikurse bën shpesh me infot që merr nga i ashtuquajturi qytetar digjital, publikoi në llogarinë e tij në “Facebook” një status ku akuzonte se mjeku nga Peshkopia Gazmend Xhembulla kishte bërë operacion nga apendesiti një pacient të cilit i kishte dalë një puçërr në shpinë.

Mirëpo edhe kësaj radhe, siç i ndodh rëndom, qytetari digjital ka keqinformuar Berishën pasi ka qenë vetë mjeku që ka përgënjeshtruar këtë lajm.

Në reagimin e tij Xhembulla shprehet se ndjehet i keqardhur që një ish kryeministër merr informacione të pavërteta dhe i transmeton ato si ngjarje të ndodhura vërtet.

Ai vazhdon më tej kur thotë se : Si mjek kirurg, me një eksperiencë mbi 20-vjeçare, deklaroj nën përgjegjësine time të plotë, morale dhe profesionale, se ndaj pacientit E.S. janë zbatuar rigorozisht të gjitha rregullat dhe procedurat, sipas protokollollit mjekësor në fuqi.

Reagimi i mjekut:

Ndjehem thellësisht i keqardhur, nga disa informacione të pavërteta që janë përhapur gjatë ditës së sotme. Në respekt të familjarëve dhe opinionit publik, ndjej detyrimin të jap këtë sqarim:

Si mjek kirurg, me një eksperiencë mbi 20-vjeçare, deklaroj nën përgjegjësine time të plotë, morale dhe profesionale, se ndaj pacientit E.S. janë zbatuar rigorozisht të gjitha rregullat dhe procedurat, sipas protokollollit mjekësor në fuqi.

Jam gati të mirëkuptoj shqetësimin e pacientit dhe familjarëve, por ndjej keqardhje të thellë kur shoh që një akuzë e pavend dhe aspak profesionale, është bërë sot nga një ish mjek dhe ish profesor i imi.


Që nga dita e parë e punës time si mjek, u kam shërbyer dhe u shërbej qytetarëve me profesionalizëm dhe devotshmëri, për këtë dëshmitarët më të mirë janë kolegët e nderuar dhe ata mijëra bashkëqytetare të mitë.
Po kaq e padrejtë dhe dashakeqe është lidhja që i bëhet rastit në fjalë me punën e bashkëshortes time. Unë punoj përditë për ta luftuar sëmundjen, më vjen keq që dikush sot ka zgjedhur të bëjë politike me të.


Në çdo rast, jam i hapur dhe u kërkoj strukturave përgjegjese që të bëjne të gjitha verifikimet e nevojshme për t’i shkuar deri në fund të vërtetës./Lexo.al/